TIRANË– Ministrja e Ekonomisë dhe Financave Delina Ibrahimaj deklaroi këtë të martë se drafti i amnistisë fiskale po vazhdon të diskutohet në bashkëpunim me partnerët ndërkombëtarë. Gjatë një deklarate për mediat pas mbledhje së qeverisë numri një i Financave të vendit tha se projektligji kërkon kohë por detajet do të vijnë të hartuara siç duhet.
Delina Ibrahimaj: Amnistia është diskutuar me të gjithë aktorët ndërkombëtarët. Konsultimi ka vazhduar. Ne e kemi thënë që ky projektligj duhet hartuar siç duhet por të vijë i zbatuar siç duhet. Po punojmë për aktet nënligjore që do të shoqërojnë projekligjin që janë po aq të rëndësishme sa projektligji vetë. Projektligji është i vështirë. Do kërkojë kohë. Kur të kemi detajet e akteve dhe të ligjit do ta kalojmë në Këshill të Ministrave dhe do të fillojmë miratimin zyrtar të tij.
Ministrja u pyet dhe në lidhje me aktin e fundit të dalë në media në lidhje me kalimin e banesave 50-vjeçare te INUK.
Delina Ibrahimaj: Jam në dijeni, shumë shpejt për pak minuta do të ketë një prononcim të ministres përgjegjëse do të ezaurohen nga ekspertët e ministrisë.”
