TIRANË– Agjensia e Mbikqyerjes Policore (AMP) ka kallëzuar në Prokurorinë e Tiranës Strukturën e Posaçme Operacionale. Raportohet se ky kallëzim ka të bëjë me zbulimin e një lidhjeje interneti të paautorizuar dhe që përdorej nga efektivët e kësaj strukture. Lidhur me çështjen mësohet se organi i akuzës ka nisur hetimet për veprat penale: “Shpërdorim detyre” dhe “Përdorim i linjave të paautorizuara”.
Kjo linjë dyshohet se ishte e pa deklaruar dhe është përdorur për të mos lënë gjurmë në IP në momentin që një agjent kryente veprime nga ajo linjë interneti. Nga veprimet e para hetimore dyshohet se linja e internetit ka qenë e instaluar në godinën qendrore të forcave operacionale prej më shumë se një viti.
