TIRANË– Ministri i Brendshëm Bledi Çuçi deklaroi se marrëveshja për strehim humanitar me anëtarët e organizatës MEK të vendosur në Manzë nuk do të prishet pavarësisht situatës së tensionuar të regjistruar këtë të martë. Gjatë fjalës së tij në konferencën e përbashkët që po zhvillon bashkë me kryepolicin Muhamet Rrumbullaku ministri tha se ata duhet të mësojnë të respektojnë ligjet e vendit tonë. Ndërsa pyetjes se a kanë ardhur sulmet kibernetike që goditen vendin nga Manza ministri tha se kjo është pjesë e sekretit hetimor duke mos dhënë përgjigje.
Bledi Çuçi: Nuk kemi menduar të prishim marrëveshjen. Nëse ata do rrinë edhe i mbeten marrëveshjen janë në mbrojtjen tonë. Ajo që ndodhi sot ka bëjë vetëm me zbatimin e vendimit të gjykatës,. Marrëveshje do vijojë por duhet të ketë reflektim nga ata për zbatimin e ligjit në Shqipëri se me veprimet sot treguan se nuk janë gati të zbatojnë ligjet në Shqipëri. Se çfarë kanë bërë ata është një pyetje që duhet t’ia bëni prokurorisë janë disa çështje që kanë nisur. Është fillimi i një hetimi penal, prokuroria po heton për shkelje të ligjit. Duhet pyetur prokuroria, aq më tepër që është edhe sekreti hetimor. Ata kanë bërë aktivitete politike, kanë botuar gazeta politike, ka qenë objekt i diskutimit të bisedave që kemi pasur në vijimësi nga ata.
