TIRANË– Ministria e Mbrojtjes ka reaguar pas ngjarjes ku një anije u përfshi nga flakët në portin e Durrësit. Në një posrtim në Facebook ministria bën me dije se e gjithë ekuipazhi i anijes që mbante një flamur panamez është evakuuar në kohë dhe nuk kanë marrë asnjë dëmtin. Sipas ministrisë, efektivët e Forcës Detare iu përgjigjen menjeherë thirrjes së autoriteteve portuale, duke bërë të mundur evakuimin e ekuipazhin dhe fiken e zjarrit.
POSTIMI:
Dy anijet P-133 LISSUS dhe P-04 SEMANI dhe ekuipazhi i Forcës Detare në bashkëpunim me Sigurinë Portuale në Durrës arritën të vënë nën kontroll zjarrin e rënë në anijen tregtare “KLEDES MARY”. Efektivët tanë të Forcës Detare iu përgjigjën menjëherë thirrjes së autoriteteve portuale, duke evakuar në kohë ekuipazhin e anijes me flamur panamez dhe duke shmangur rrezikun për jetët njerëzore.
