TIRANË– Pas ankimimit të bërë nga kryetari i Partisë Demokratike Demokratike Sali Berisha dhe deputeti demokrat Enkelejd Alibeaj për regjistrimin në zgjedhjet vendore të 14 majit Komisioni i Ankesave dhe Sanksioneve do të shqyrtojë javën e ardhshme dy kërkesat e grupimeve brenda Partisë Demokratike.
Pas hedhjes së shortit rezultoi që kërkesën e grupimit të Berishës, që të jetë ai përdoruesi i logos së Partisë Demokratike në këto zgjedhje, do ta relatojë Ilir Rusmali, që për ironi të fatit është ish-zëvendëskryeminisri i tij. Kujtojmë që PD e drejtuar nga Berisha “dogji” emrin e Rusmajlit për Avokat të Popullit.
Në të njëjtën kohë KAS përmes relatorit Koli Bele do të shqyrtojë kërkesën e grupit të Enkelejd Alibeajt i cili apeloi një vendim të KQZ-së që kërkonte firmën e Bashës në një nga dokumentet e paraqitura për regjistrim.
Rezultatet e shortit percaktuan:
1. relator te kerkeses nr. 29 (Kerkesa e PD depozituar nga z. Sali Berisha), z. Ilirjan Rusmali;
2. relator i kerkeses nr.30 (kerkesa e partisë “Levizja Bashke”, z. Elvis Çefa;
3. Relator i kerkeses nr. 31 (kerkesa “Partia Demokratike e Shqiperise”, perfaqesuar nga z. Enkelejd Alibeja), z. Koli Bele.
