TIRANË– Gjykata e Posaçme e Apelit Kundër Korrupsionit dhe Krimit të Organizuar pritet të shqyrtojë më 26 prill kërkesën e ish-ministrit të Financave Arben Ahmetaj lidhur me sekuestrimin e dy vilave nga ana e Prokurorisë së Posaçme (SPAK).
Pronat rezultojnë të jenë në emër të partneres së Ahmetaj, Erjola HJoxha. Në kërkesën dërguar Apelit të Posaçëm Ahmetaj shprehet se për shkak të sekuestrimit të vilave ai dhe fëmijët janë të detyruar të jetojnë me qira pasi nuk kanë pronë tjetër. Çështja do të shqyrtohet nga gjyqtari Dhimitër Lara.
Ish-ministri Arbnen Ahmetaj është nën hetim nga Prokuroria e Posaçme Kundër Korrupsionit dhe Krimit të Organizuar (SPAK) për veprat penale: “Korrupsion”, “shpërdorim detyre”, “fshehje e pasurisë” dhe “pastrim parash”. SPAK ka sekuestruar disa vila që janë pronë e ish-gruas dhe partneres aktuale të Ahmetajt.
