TIRANË– Presidenti Bajram Begaj dhe shefi i NATO-s Jens Stoltenberg i janë përgjigjur pyetjeve të gazetarëve pas takimit “kokë më kokë” të zhvilluar këtë të martë në Bruksel. Kreu i Shtetit tha se KFOR është një histori suksesi sa i përket paqes në rajon dhe se Kosova është shtet i pavarur që po punon për të ndërtuar një shtet ligjor. Ndërkohë Stoltenberg tha se aleatët do të vijojnë me punën për pranimin e Kosovës në aleancë dhe se NATO do të punojë për lehtësimin e raporteve mes Prishtinës dhe Beogradit.
Pyetje: Mendoni se është e domosdoshme antarësimi i Kosovës në NATO, kur është prezente me KFOR?
Jens Stoltenberg: Aleatët do të vazhdojnë vijimsinë e pranimit në Kosovë. Ne punojmë me BE në Kosovë, pra personat e KFOR-it bëjnë mbështetjen e përpjekjeve diplomatike në BE. NATO do të vazhdojë të lehtësojë raportin drejt Prishtinës dhe Beogradit. Tani kemi një mundësi historike që mund të jetë me përfitim për të gjithë rajonin. Është e rëndësishme që palët të gjejnë zgjedhje.
Bajram Begaj: KFOR është histori suksesi, e histori paqeje në rajon. Kosova është shtet i pavarur, po punon përditë për të ndërtuar një shtet ligjor. Shqipëria e mbështet çdo ditë në rrugëtimin e saj, një nga to është edhe NATO. Forcat e sigurisë së Kosovës, besoj se do të ishte vlerë e shtuar e aleancës. Çdo politikë e dyerve të hapura do të sjellin vlera të shtuara për aleancën.
