Gjykata e Sarandës ka caktuar masën e sigurisë “detyrim paraqitje” për Lulzim Allkushin, 43-vjeçarin i cili montoi ashensorin artizanal te “Orange Club” në Sarandë.
Dy prokurorët thanë se akuza e ngritur ndaj të arrestuarit të vetëm për këtë ngjarje, ishte “Shkelja e rregullave të mbrojtjes në punë”.
Katër vite më parë, 43-vjeçari kishte montuar në mënyrë artizanale ashensorin që përdorej për transport malli në lokalin e Spiro Iljadhit.
Të shtunën aty ndërroi jetë aksidentalisht 17-vjeçari Antonio Delilaj teksa po transportonte kolitë me ujë.
Pajisja nuk i plotësonte kushtet e sigurisë për ashensor dhe nuk ishte kontrolluar asnjëherë ndërkohë montuesi i saj nuk kishte licencë.
Gjatë dëshmisë së tij, Allkushi tha se e kishte montuar pajisjen para 4 vitesh dhe nuk ishte thirrur më për ta kontrolluar.
Policia ka shpallur në kërkim pronarin e lokalit, Spiro Iliadhi.
