TIRANË– Apeli i Gjykatës së Posaçme Kundër Korrupsionit dhe Krimit të Organizuar ka rikthyer sërish në burg ish-kryebashkiuakun e Lushnjes Fatos Tushe. Ai është vënë në pranga këtë të enjte një ditë pasi Apeli i GJKKO-së i shtoi dhe një vit tjetër burg dënimit të tij.
Apeli i Gjykatës së Posaçme kundër Korrupsionit dhe Krimit të Organizuar ka shtuar 1 vit burg në dënimin e kryetarit të Bashkisë Lushnje, Fatos Tushe me akuzën e shkeljes së barazisë në tendera. Fatos Tushe është dënuar përfundimisht me 5 vite burg dhe duke përfituar nga procesi me gjykim të shkurtuar, ai do të vuajë 3 vite e 4 muaj burg në qeli.
