TIRANË– Apeli i Posaçëm Kundër Korrupsionit dhe Krimit të Organizuar (GJKKO) ka lënë në fuqi vendimin e shkallës së parë për sekuestrimin e 34 pasurive në emër të të shumëkërkuarit të drejtësisë Ervis Martinaj dhe familjarëve të tij. Pasuritë e sekuestruara përfshijnë automjete, apartamente, aksoione kompanish dhe prona të paluajshme në zona të ndryshmne të vendit. Prokuroria e Posaçme, në bazë të ligjit Antimafia, i ka sekuestruar pasuritë në fjalë, me argumentin se janë krijuar nga aktivitetet kriminale.
Që prej 11 gushtit ku dhe u denoncua nga familjarët zhdukja e tij fati i Ervis Martinajt mbetet ende një mister. “Mbreti” i lojërave të fatit u shfaq për herë të fundit në një video më datë 22 shtator ku shihej nën shoqërinë e një vajze dhe ish-efektivi i operacionales, Jeton Lami tashmë i arrestuar, në ambientet e një hoteli në plazhin e Durrësit. Që nga ajo mbrëmje askush nuk di të thotë cili është misteri i zhdukjes së tij. Hetimi për zhdukjen e Martinajt, nisi pas informacionit të marrë nga një burim konfidencial, i cili rrëfente se i shumëkërkuari ishte rrëmbyer dhe vrarë nga kundërshtarët.
