FIER– Dy persona kanë rënë në prangat e policisë së Fierit ditën e sotme ndërsa nbë tjetër është shpallur në kërkim. Ata akuzohen për vepra të ndryshme penale. Kështu raportohet se një 24-vjeçar i identifikuar me inicialet E.L është arrestuar pasi gjatë kontrollit në makinë iu gjet një armë e ftohtë (shufër metalike). Ndërsa një 41-vjeçar i identifikuar me inicialet B.T u arrestua në flagramcë duke drejtuar makinën në gjendje të dehur. Ndërkohë njjë tjetër u shpall në kërkim pasi për motive të dobta ka dhunuar një person tjetër.
NJOFTIMI I POLICISË:
DVP Fier/Vihen në pranga 2 shtetas dhe shpallet në kërkim 1 tjetër, për vepra të ndryshme penale. Specialistët për Hetimin e Krimeve të Komisariatit të Policisë Fier arrestuan në flagrancë shtetasin E. L., 24 vjeç, banues në Berat, pasi gjatë kontrollit të ushtruar në automjetin që drejtonte ky shtetas, shërbimet e Policisë gjetën dhe sekuestruan në cilësinë e provës materiale, një armë të ftohtë (shufër metalike).
Specialistët e Sektorit të Qarkullimit Rrugor të DVP Fier arrestuan në flagrancë shtetasin B. T., 41 vjeç, banues në Lushnjë, pasi duke drejtuar automjetin në gjendje të dehur, është përplasur me një automjet tjetër, duke shkaktuar vetëm dëme materiale. Specialistët për Hetimin e Krimeve të Komisariatit të Policisë Lushnjë shpallën në kërkim dhe po punojnë për kapjen e shtetasit Xh. J., 27 vjeç, banues në Lushnjë, pasi ka goditur me sende të forta, për motive të dobëta, një shtetas tjetër. Materialet procedurale i kaluan Prokurorisë, për veprime të mëtejshme.
