TIRANË– Të tjera detaje janë zbardhur në lidhje arrestimin e ish-shefes së Kabinetit të ish-ministrit Arben Ahmetaj mbrëmjen e së shtunës. Raportohet se ka qenë një dëshmi e pastrueses Rkzeta Dobi ajo që e ka “fundiëosur” përfundimisht Klosin.
Mësohet se Dobi, pastruesja “milionere” në shtëpinë e së cilës u gjetën 500 mijë euro, 400 mijë ende pa zot ka deklaruar se paratë e vjedhura, 100 mijë euto ajo i ka gjetur të fshehura në vende të ndryshme në shtëpinë e Klosit ku ajo punonte prej muajsh.
Rozeta Dobi: Kam parë shumë para, kam pastruar shumë shtëpi. I shikoja shpesh nëpër kuti, m’i la t’i fshihja.
Vjedhja në shtëpinë e ish-zyrtares së lartë Alda Klosi në “Rrugën e Kosovarëve” ndodhi disa javë më parë. Për vjedhjen e 120 mijë eurove nga kasaforta e Klosit është arrestuar pastruesja Rozeta Dobi dhe i biri Havier Dobi të cilët kanë pranuar krimin para policisë. Por ajo që mbetet ende një mister i “pazgjidhshëm” për drejtësinë e policinë janë 400 mijë eurot e gjetura në shtëpinë e pastruese Rozeta Dobi, të cilat ishin fshehur në tubin e aspirimit. Deri më tani askush nuk u ka dalë për zot apo ti denoncojë të vjedhura. Klosi e mohon të jenë të sajat ndërsa Rozeta Dobi ende nuk ka pranuar të flasë për to. Dobi njihet si pastruesja e VIP-ave pasi është kujdesur për mirëmbajtjen e disa personaliteteve të larta të shtetit emri i të cilëve nuk është bërë ende i ditur. Të kujt janë 400 mijë eurot është pyetja që ende drejtësia nuk i është përgjigjur dhe me këto ritme që po ecin hetimet një përgjigje e shpejtë është ende shumë larg.
