GREQI– Ministri i Jashtëm grek Nikos Dendias ka reaguar zyrtarisht në lidhje me arrestimin e kandidatit të koalicionit “Bashkë Fitojmë” për Bashkinë e Himarës Fredi Beleri. Shefi i diplomacisë greke shorehet se nëse nuk ka prova atëherë kemi të bëjmë me një skandal. Po ashtu ai shtoi se qeveria greke ka vënë në dijeni në lidhje me situatën edhe ndërkombëtarët.
Nikos Dendias: Arrestohet anëtari i minoritetit grek, Fredi Beleri, kandidat për kryetar Bashkie në Himarë të Shqipërisë, së bashku me një tjetër grek. Dua të them se nëse nuk ka prova të forta, arrestimi i një kandidati për Kryetar Bashkie dy ditë para zgjedhjeve është një skandal absolut. Për këtë kam njoftuar tashmë Përfaqësuesin e Lartë të BE-së, z. Borrell, dhe Ministrin e Punëve të Jashtme suedeze, si Presidencë në detyrë. Qeveria greke do ta monitorojë këtë nga afër. E përsëris, diçka që e njohu edhe kryeministri shqiptar Rama. Arrestimi i një kandidati për kryetar Bashkie dy ditë para zgjedhjeve, nëse nuk ka prova të forta, përbën skandal.
