TIRANË– Kreu i Partisë së Bashkimit për të Drejtat e Njeriut Vangjel Dule ka kërkuar lirimin e menjëhershëm nga burgu të kandidatit fitues të opozitës në zgjedhjet e 14 majit për Bashkinë e Himarës Fredi Beleri, i cili u vu në pranga për shit-blerje votash një natë para zgjedhjeve. Nga Kuvendi i Shqipërisë ai e cilësoi Belerin si të burgosur politik.
Vangjel Dule: Fredi Beleri është i trembur, i burgosur politik, i marrë peng nga Kryeministri Edi Ramës. Fjalën e ka drejtësia por ka edhe një logjikë opinioni. Beleri është arrestuar në flagrancë për dyshime. E kupton absurditetin? Flagrancë kërkon provën e drejtpërdrejtë, ndërsa dyshimi jo. Rama kërcënoi dhe tha se do ta ketë personalisht me ta. Si mund ta ketë Kryeministri me disa njerëz? Nuk ka institucione ky vend? Fredi Beleri duhet të lirohet dhe të shkojë në komunitetin e tij. Është marrë peng edhe Pandeli Kokaveshi, me të njëjtat akuza. Është një i ri i cili ka bërë transplant zemre. Edhe pse i kam njoftuar të gjitha se atij i rrezikohet jeta ai vazhdon të mbahet peng. Në Himarë më të vjetrit më kujtonin 1945, edhe atëherë votuan kundër regjimit. Edhe atëherë u syrgjynosën. Ku po e çoni vendin? Deri sa do ta mbështesni një autokritikat i cili po e zhyt në errësirën e Tiranës vendin.
