GREQI– Arrestimi i kandidatit të koalicionit “Bashkë Fitojmë” për Bashkinë e Himarës Fredi Beleri ka alarmuar Athinën zyrtare. Mediat greke shkruajnë se ministri i Jashtëm grek Nikos Dendia ka pasur një telefonatë me kryeministrin Edi Rama si dhe ka informuar në mënyrë urgjente kreu e ekzekutivit grek Kyriakos Mitsotakis lidhur me çështjen. Ndërkohë ministri i Brendshëm, Takis Theodorikakos ka telefonuar ministrin Bledi Çuçi ku ka kërkuar lirimin e menjëhershëm të Bejlerit.
Kandidati i koalicionit “Bashkë Fitojmë” Fredi Beleri u arrrestua pak pas mesnatës në një lokal në zonën e Himarës. Zyrtarisht tashmë ai akuzohet për kurrupsion në zgjedhje të kryer në bashkëpunim. Sipas Prokurorisë Bejleri ka kryer shit-blerje të votës dhe është arrestuar në flagrancë. Arrestimi i tij ka sjellë reagime të shumta në politikën shqiptare duke e tensionuar akoma më shumë situatën para zgjedhjeve të 14 majit.
