TIRANË– Kryetari i Partisë Demokratike Sali Berisha ka bërë ditën e sotme një deklaratë të fortë kundër ambasadores amerikane në Tiranë Yuri Kim. Në një deklaratë për mediat nga selia blu kryedemokrati u shpreh se ambasadorja Kim ka këshilluar kryeministrin Edi Rama që të heshtë sa i përket hetimit ndaj ish-zyrtarit të lartë të FBI-së i akuzuar në SHBA e që në dosje përmendet disa herë dhe emri i kreut të qeverisë shqiptare. Po ashtu sipas liderit demokrat ka qenë po ambasadorja ajo që ka këshilluar Ramën për deklaratën e bërë në lidhje me miqësinë me tij dhe agjentit Charles McGonigal.
Sali Berisha: Aferë e shëmtuar, akt që mund ta ndërmirrnin Enver Hoxha, Spiro Koleka, Kim Yong Un dhe vetëm ata, është një akt që kurrë një kryeministër i një vendi partner nuk mund ti lejonte vetes të ndërmerrte ndaj SHBA, vendit më kryesore në sigurinë e paqes, në hapësirën euroatlantike dhe në botë. Ndaj kësaj ngjarjeje tronditëse, Edi Rama u zhduk 5 ditë me kodin absolut të heshtjes. Edi Rama nuk foli një fjalë, u sëmur nga gripi diplomatik. Burime të tjera thonë se fluturoi jashtë vendit, por një gjë është e sigurtë, 5 ditë me radhë kur të gjithë mediat e botës lakonin emrin e tij, për fat të keq dhe të Shqipërisë. Korruptoi shefin e jashtëzakonshëm të FBI, Charles McGonigal. Sot, Edi Rama hesht, si kurrë ndonjëherë në jetën e tij. Burime të besueshme më kanë informuar se në heshtjen e Edi Ramës, ka luajtur rol guvernatorja Yuri Kim, që i ka kërkuar atij të mos bëjë asnjë deklaratë. Po këto burime informojnë se deklarata qesharake për tëpërgënjeshtruar miqësinë me McGonigal, deklaratë që po e tallin edhe mediat amerikane, ka qenë një këshillë e guvernatores.
