TIRANË– Deputeti i Partisë Demokratike Ervin Salianji ka bërë me dije ditën e sotme se i ka dërguar shkresat me aktakuzën dhe lajmet e mediave ndërkombëtare për arrestimin e ish-zyrtarit të FBI-së Charles McGonigal SPAK, SHISH dhe Ministrisë së Brendshme, duke kërkuar hetimin e lidhjeve të tij me kryeministrin Edi Rama. Në një deklaratë për mediat nga Kryesia e Kuvendit Salianji shprehet se u ka dërguar shkresat pasi deri më tani nuk ka asnjë reagim nga institucionet shqiptare.
Ervin Salianji: Të gjitha mediat ndërkombëtare e kanë pasur në faqe të parë dhe lajm të parë Shqipërinë, si një vend i cili ka tentuar të korruptojë në këtë rast. Unë smund të bëj dot as prokurorin, as akuzatorin, por moralisht mendoj se nuk ka asnjë çështje më të rëndësishme. Nuk ka asnjë reagim nga institucionet shtetërore. Në përmbushje të detyrës i kam çuar shkresë SPAK, SHISH si dhe Ministrisë së Brendshme bashkë me dy instucionet që ka në varësi. Ky zyrtar ka mbuluar dhe Shqipërinë. Mediat prestigjoze që kanë i kam çuar në letër, pritet të dalë të shtunën për të pranuar ose jo akuzat që rëndojnë mbi të. Ai dyshohet se ka marrë 280 mijë dollarë. Akt padia e bërë publike nga autoritetet amerikane nu kanë publikuar dy personat që akuzohet për të A dhe B. Por mediat kanë zbuluar se kush janë këta dy persona, të cilët janë miq me njëri-tjetrin.
