Pas një hetimi disaditor, me metoda sepciale, është finalizuar operacioni i koduar “Brothers” i organizuar nga Prokuroria e Elbasanit, në bashkëpunim me Komisariatin e Policisë Peqin dhe Forcës së Posaçme Operacionale të DVP Elbasan ku janë ushtruar kontrolle në banesën e 2 vëllezërve dhe në territorin përreth saj.
Pas kontrollit të ushtruar në këtë banesë u gjetën të fshehura në katër çanta, 1 armë zjarri kallashnikov, 1 armë zjarri pistoletë, 1 armë zjarri revolver, 1 armë gjahu dhe fishekë luftarak për to.
Armët dhe municioni luftarak u dërguan për ekspertizë, me qëllim verifikimin nëse janë përdorur ose jo, për ngjarje kriminale.
U arrestuan në flagrancë shtetasit A. B. alias G. M., 46 vjeç dhe B. M., 43 vjeç (vëllezër), për veprat penale “Mbajtja pa leje dhe prodhimi i armëve, armëve shpërthyese dhe municionit” dhe “Prodhimi dhe mbajtja pa leje e armëve të gjuetisë dhe sportive”.
Mësohet se vëllezërit e fshihnin arsenalin e armëve të zjarrit në banesën e tyre, në lagjen “Teqe”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
Lajmi në përditësim…
