TIRANË– Arrestohet ish-kryebashkiaku i Kukësit Safet Gjici. Raportohet se me urdhër të Gjykatës së Posaçme Kundër Korrupsionit dhe Krimit të Organizuar (GJKKO) ai është arrestuar në një lokal poshtë shtëpisë së tij. Gjici akuzohet nga Prokuroria e Posaçme (SPAK) për korrupsion. Mësohet se ish-kryebashkiaku Safet Gjici është vënë në prangat e policisë nën akuzë për korrupsion pasi sipas nenit 20, gjatë kohës kur ka drejtuar Bashkinë e Kukësit.
Gjici u shfaq në një video-skandal më datë 16 qershor teksa kryente marrëdhnie seksuale me një vajzë në zyrën e tij në Bashkinë e Kukësit. Pas kësaj ai dha dorëheqjen duke pretenduar se i kanë ngritur kurth ndërsa pak orë më vonë ai u shkarkua nga detyra me vendim të Këshillit të Ministrave.
Pozitat e Safet Gjiciu u rënduan më tej pasi pas aktit seksual ai bisedoi me vajzën për një tender për qentë e rrugës që vajza do ta përfitonte pa u futur në garë. Me sa duket kjo e ka fundosur pozitën e Gjicit që tashmë do të përballet me SPAK. Video-skandali solli reagime të shumta dhe trazoi jetën politike në vend. Ndërkohë zgjedhjet në Bashkinë e Kukësit do të përsëriten.
