Agjentët policorë në Milano arrestuan një 35-vjeçar rumun dhe një shqiptar 39-vjeçar, të dy pa precedentë të mëparshëm penalë, me akuzën e posedimit për qëllim të shitjes së mbi 90 kilogramëve marijuanë.
Hetuesit i ndaluan të dy pasi vunë re se një makinë në zonën e Brignano Gera d’Adda i afrohej një kamioni të parkuar dhe i dorëzonin qese të mëdha plastike shoferit përpara se të largoheshin me nxitim.
Pikërisht në atë moment policia vendosi të kontrollonte kamionin, me targa rumune, duke gjetur çantën e madhe të dorëzuar pak më parë nga personi në makinë dhe një pjesë të dyshemesë së mjetit pa vida.
Duke çmontuar të gjitha dërrasat e dyshemesë së rimorkios së kamionit, agjentët gjetën pako të shumta marijuane me një peshë totale prej rreth 90 kilogramë.
