Kanë përfunduar edhe katër ndeshjet që ishin duke u zhvilluar në Premier Ligën angleze, ku kemi rezultate tejet interesante.
Pas plot 90’ minutave lojë dhe 10 sosh të zhvilluara në stadiumin “Emirates”, Arsenali ka barazuar 1:1 me Brentfordin, kështu duke lëshuar pikë për të dytën ndeshje radhazi.
Golin për Arsenalin e shënoi Leandro Trossard (minuta e 66’), kurse golin e fundit të ndeshjes dhe të barazimit për Brentfordin e shënoi Ivan Toney në minutën e 74’.
Po ashtu, me rezultat të njëjtë 1:1 u mbyll edhe përballja tjetër mes skuadrës së Crystal Palace dhe asaj të Brightonit.
Ndërkaq, Leicester City e ka turpëruar skuadrën e Tottenhamit, duke e mposhtur si vendas me rezultat bindës 4:1.
Golat për “Dhelprat” i shënuan Mendy (minuta e 23’), Maddison (minuta e 25’), Iheanacho (minuta e 45+4’) dhe Harvey Barnes (minuta e 81’), kurse golin e nderit te Tottenhami e shënoi Rodrigo Bentancur në minutën e 14’ të ndeshjes.
Më poshtë mund t’i gjeni të gjitha rezultatet e ndeshjeve që kanë përfunduar në Premier Ligë.
West Ham 1:1 Chelsea
Arsenal 1:1 Brentford
Crystal Palace 1:1 Brighton
Fulham 2:0 Nottingham Forest
Leicester City 4:1 Tottenham
Southampton 1:2 Wolverhampton
