ITALI– Arti italian këtë të martë është në zi. Shuhet në moshën 80-vjeçare këngëtari i madh Toto Cutugno. Emri i madh i muzikës italiane, kantautori i papërsëritshëm dhe zëri virtuoz ndërroi jetë rreth orës 16:00 në spitalin San Raffaele në Milano ku ishte shtruar prej kohësh.
Lajmin e bëri të ditur agjencia e lajmeve italiane ANSA. Menaxheri i tij Danilio Mancuso zbuloi se artisti nuk mundi të përballojë një sëmundje të rëndë. Gjendja e këngëtarit ishte përkeqësuar prej ditësh. Cutugno do të mbahet mend për të famshmen, “L’Italiano” dhe pesëmbëdhjetë pjesëmarrje në festivalin e Sanremos.
