TIRANË– Fotini Derxho, ish-banorja e Big Brother Vip, tregon banorin e preferuar dhe nuk është as Luiz Ejlli dhe as Olta Gixhari. Në emisionin “Stay Tuned” me moderatoren Valbona Mhilli në MCN Tv, Fotoni zbuloi se është Nita Latifi e preferuara e saj.
“Nuk do them Luizi apo Olta, i kam mbështetur kur kam qenë në shtëpi, por nuk kanë nevojë ata për mbështetjen time. Sot që po flasim kam Nitën, e dua shumë”.
Ajo thotë se nuk bëhet pishman që i ka shprehur momentet e dobësisë gjatë qëndrimit në shtëpinë më të vëzhguar në Shqipëri.
“Nuk bëhem pishman pse i kam shprehur momentet e dobësisë, ditët e para e ke mendjen te mikrofoni, pastaj i harron, bën dhe biseda të tuat shumë private. Nuk pendohem. Çdo gjë që kam treguar dhe historia familjare, kur kam qenë në Big radhën e parë, historinë e kisha aktuale, e kisha vërtetë vëllanë në burg, zgjodha të mos e tregoja. E them këtë për gjithë ata njerëz që mendojnë se kam treguar historinë dhe e kam fituar Big Brotherin e parë. Por nuk e kam shprehur kurrë atë situatë atëherë. Ndërsa tani e shpreha, pak fare pendohem për shkak se disa familjarëve nga ana e babit nuk u erdhi mirë, kam pasur disa përplasje me ta. Por për sa kohë është e vërteta ime, nuk gënjej dot”.
Ndër të tjera rrëfen se fitorja e Big Brother i ndryshoi realisht jetën, ndonëse pohon se hyri rastësisht fare.
Ndërsa aktualisht thotë se preferon qetësin dhe jo vendet me njerëz dhe zhurmë, duke shtuar se kudo që shkon është dikush që kërkon fotografi, por shprehet se kur është me njerëzit e saj do të jetë në terezinë e saj
