Zbardhen detaje të reja nga atentati i mbrëmjes së sotme ne qytetin e Vlorës, ku u ekzekutua Leart Keka, 41 vjeç.
Viktima u qëllua me breshëri plumbash nga një automjet me targa italiane.
Pak minuta pas ngjarjes, makina u gjet e djegur në aksin rrugor Kotë-Sevaster.
Policia jep detajet e ngjarjes:
Rreth orës 21:50, në lagjen “28-Nëntori”, në rrethana ende të paqarta, është vrarë me armë zjarri shtetasi L. K., 41 vjeç.
Nga kontrolli i zonës, në aksin rrugor “Kotë- Sevaster”, shërbimet e Policisë kanë konstatuar një automjet tip “Audi”, duke u djegur.
Janë ngritur menjëherë pika kontrolli në hyrje/daljet e qytetit të Vlorës dhe në akset “Vlorë-Fier”, “Vlorë-Tepelenë” dhe “Vlorë-Himarë”.
Gjithashtu, shërbimet e Policisë vijojnë krehjen e zonës, me qëllim lokalizimin dhe kapjen e autorëve.
Grupi hetimor ndodhet në vendngjarje dhe në drejtimin e prokurorit, po punon për sqarimin e rrethanave të ngjarjes, si dhe për fiksimin e çdo prove që do t’i shërbejë hetimit, me qëllim identifikimin dhe kapjen e autorëve.
LEXO EDHE:
Vritet në atentat 41-vjeçari në Vlorë, qëllohet nga një ‘Audi’ me targa italiane
