TIRANË– Presidenti Bajram Begaj ka reaguar pas atentait me tritol ndaj kreut të Partisë Demokratike dega Vau i Dejës Bernard Ndreca. Kreu i Shtetit dënon me forcë këtë akt dhune duke theksuar se dënon çdo veprim të tillë ndaj individëve dhe aktivistëve politikë. Po ashtu Begaj i bën thirrje organeve ligjzbatuese që të vendosin para ligjit autorët e sulmit të rëndë.
REAGIMI:
Mësova me shqetësim mbi vendosjen e një sasie eksplozivi në automjetin në pronësi të Z.Bernard Ndreca, në Laç, Vau i Dejës. Dënoj me forcë aktet e dhunës ndaj cdo individi e ndaj aktivistëve politikë të çdo kahu. Nxis institucionet përgjegjëse të identifikojnë e të vendosin para ligjit personat përgjegjës.
