GREQI– Detaje të reja kanë dalë në dritë nga atentati i mbrëmshëm ndaj dy shqiptarëve Kreshin Çerçizaj dhe Armando Ogrenja të cilët mbeten të vdekur për shkak të plagëve të marra. Mësohet se autori i krimit ka pasur një bashkëpunëtopr brenda lokalit, i ciliu ka pasur kontakt të vazhdueshëm me të.
Policia bën me dije se ekzekutori ka qenë një vrasës profesionist dhe gjakftohtë dhe kjo shihet në mënyrën sesi ai u afrua drejt “presë” dhe qëlloi plot shtatë herë drejt tyre për katër sekonda. Më pas largohet me shpejtësi për të humbur dhe çdo gjurmë. Autori priti për disa minuta i fshehur në disa pemë jashtë lokalit dhe priti momentin e duhur për të kryer “misionin”.
Ngjarja e rëndë tronditi mbarë opinionin publik pasi ndodhi në një lokal të mbushur me njerëz. Si pasojë e sulmit mbeti e plagosur dhe pronarja e lokalit, e cila ndodhej në ambientet e lokalit. Policia është vënë në ndjekje të autoritit dhe ka sekuestruar kamerat e sigurisë por deri më tani nuk ka asnjë gjurmë të tij.
