TIRANË– Policia e Shtetit ka reaguar në lidhje me ngjarjen e e rëndë të shënuar pak minuta më parë në zonën e “Selitës” në kryeqytet. Në një njoftim të saj blutë e Tiranës bëjnë më dije se vrasja ka ndodhur brenda në një lokal. Sipas Policisë autori nuk është identifikuar ende. Ndërkohë është ngritur një grup hetimor për zbardhjen e ngjarjes.
NJOFTIMI I POLICISË:
Rreth orës 16.30, në rrugën “Fadil Bodinaku”, në lokalin në pronësi të shtetasit V. Sh., një person ende i pa identifikuar ka qëlluar me armë zjarri pistoletë shtetasin E. P., 49 vjeç, i cili si pasojë e plagëve të marra ka ndërruar jetë në spital. Në vendin e ngjarjes ndodhet grupi hetimor dhe po punon për sqarimin e rrethanave të ngjarjes dhe identifikimin e autorëve. Shërbimet e Policisë po vijojnë kontrollin e zonës për të bërë të mundur kapjen e autorit..
