VAU I DEJËS– Detaje të reja janë zbardhur në lidhje me atentatin ndaj kreut të Partisë Demokratike dega Vua i Dejës Bernard Ndreca. Bëhet me dije se gjashtë persona janë shoqëruar deri më tani në lidhje me ngjarjen, të cilët po merrern në pyetje nga grupi hetimor. Raportohet se në fund ekspertiza ka dalë në përfundimin se në atentat është përdorur 50 gramë eksploziv që ishte vendosur në pjesën e parme të mjetit të Bernard Ndrecës.
Në vijim të hetimeve grupi hetimor ka sekuestruar të gjithë kamerat e sigurisë në shtëpinë e Ndrecës dhe në zonën përreth pasi ka dyshime se kreu i PD-së në Vaun e Dejës të jetë mbajtur disa ditë nën vëzhgim nga autorët e sulmit që fatmirësisht përfundoi vetëm në dëme materiale. Lënda eksplozive ishte ishte me telekomandë dhe autorët e kanë shpërthyer sapo Ndreca ka hipur në mjetin e tij. Ndreca i shpëtoi vdekjes pasi eksplozivi i vendosur ka rënë nga pkjesa ku autoirët e kishin vendosur.
Ngjarja është dënuar nga kryetari i Partisë Demokratike Sali Berisha, i cili në një konferencë për shtyp e cilësoi ngjarjen si një akt kriminal me prapavijë të pastër politike. Dhe kreu i Partisë së Lirisë Ilir Meta ka kërkuar që kjo ngjarje të zbardhet. Vetë Ndreca para policisë ka thënë se nuk ka probleme me askënd dhe dyshon se re gjitha të ketë ndodhur për shkak të fushatës elektorale të zgjedhjev vendore të 14 majit.
