VAU I DEJËS- Detaje të reja janl zbardhur nga atentati me tritol ndaj kryetarit të Partisë Demokratike dega Vau i Dejës Benard Ndreca. Mësohet se lënda plasëse ishte vendosur në pjesën e përparme të mjetit dhe ka shpërthyer sapo Ndreaca ka hipur në makinë.
Policia ka mbërritur menjëherë në vensin e ngjarjes së bashku me grupin hetimor. Fatmirësisht Ndreca ka shpëtuar pa lëndime. Janë regjistruar vetëm dëme materiale.
NJOFTIMI I POLICISË:
Rreth orës 07:10, në fshatin Paçram, Vau i Dejës, në pjesën e përparme të automjetit tip “Audi”, në pronësi të shtetasit B. N., dyshohet se ka shpërthyer lëndë plasëse. Me marrjen e njoftimit, menjëherë në vendngjarje kanë shkuar shërbimet e Policisë dhe grupi hetimor. Nga veprimet e para rezulton se shpërthimi ka ndodhur në momentin që shtetasi B. N. ka hipur në automjet. Nga shpërthimi, shtetasi B. N. nuk ka pësuar dëmtime, por janë shkaktuar vetëm dëme të pjesshme materiale. Grupi hetimor, në drejtimin e Prokurorisë, vijon veprimet intensive në vendngjarje, me qëllim zbardhjen e rrethanave të ngjarjes, identifikimin dhe kapjen e autorit/ve.
