KRUJË– Makima tip “Volswagen” e përdorur nga atentatorët e dajë e nip në Larushk është gjetur e djegur pranë Tapizës rreth 25 minuta pas ngjarjes. Për të fshehur çdo gjurmë autorët i kanë vënë flakën mjetit. Ndërkohë dajë e nip Ramazan Sino dhe Alvi Bejtja u qëlluan në oborrin e banesës. 47-vjeçari ndërroi jetë në vend ndërsa 18-vjeçari është në spital nën kujdesin e mjekëve.
NJOFTIMI I POLICISË:
Krujë/Informacion paraprak. Më datë 04.07.2023, rreth orës 00:15, në fshatin Larushk, në Krujë, në oborrin e banesës së shtetasit G. B., në rrethana ende të paqarta janë qëlluar me armë zjarri shtetasit R. S., 46 vjeç dhe A. B., 18 vjeç, (dajë e nip). Si pasojë e plagëve të marra ka ndërruar jetë shtetasi R. S., ndërsa shtetasi A. B., ndodhet në spital, nën kujdesin e mjekëve. Shërbimet e Policisë pas marrjes së njoftimit kanë shkuar menjëherë në vendngjarje, kanë rrethuar zonën, kanë ngritur pika kontrolli dhe vijon krehja e zonës për të bërë të mundur kapjen e autorit/ëve. Në Tapizë, te lapidari, rreth orës 00:40, është gjetur duke u djegur një automjet dyshohet tip “Volkswagen”. Grupi hetimor nën drejtimin e Prokurorisë ndodhet në vendngjarje dhe vijon veprimet hetimore për sekuestrimin e provave me qëllim identifikimin dhe kapjen e autorit/ëve.
