TIRANË– Dy vëllezërit Valter e Durim Bani si dhe Marklen Haka janë lënë të lirë këtë të mërkurë nga Policia pasi nëj ditë më parë u shoqëruan për tu marrë në pyetje në lidhje me atentatin ndaj Gentian Bejtjes në Larushk ku mbeti i vrarë kunati i këtij fundit Ramazan Sino dhe u plagosën dy fëmijët e tij të mitur. Mësohet se para hetuesve ata të kenë mohuar që kanë lidhje me ngjarjen e rëndë. Ndërkohë për Policinë Gentian Bejtja ka thënë se nuk e di kush fshihet pas ngjarjes që mund të kishte përfunduar me bilanc edhe më tragjik.
Ramazan Sinos dhe dy nipave të ij u zënë pritë në oborrin e banesës së Gentian Bejtjes. Ky i fundit ishte dhe “shënjestra” e atentatit për ekzekutorët nuk e dinin se ai nuk ndodhej në makinë. Autorët kanë hapur zjarr me breshëri duke lënë të vdekur në vend Sinon dhe plagosur dy djemtë e mitur të Bejtjes, të cilët ndodhen në spital nën kujdesin e mjekëve, njëri prej tyre Alvi Bejtja, 13 vjeç në gjendje të rëndë. Zbardhja e ngjarjes mbetet e vështirë pasi zona nuk ka kamera sigurie pasi ato u hoqën nga Policia në kuadër të operacionit “Fijet”.
Ndërkohë makina e përdorur nga autorët tip “Volsvagen” është gjetur e djegur afër Tapizës. Brenda saj ishin dhe tre kallashnikovët e përdorur. Dhe ata ashtu si mjeti janë djegur plotësisht duke fshirë kështu çdo gjurmë që çon drejt tyre. Policia ka krehur zonën përreth por ende nuk ka asnjë provë që çon drejt atentatorëve apo organizatorët.
