KRUJË– Detaje të reja janë zbardhur nga atentati që tronditi në mesnatë Larushkun në Krujë, ku një person mbeti i vrarë dhe një tjetër i plagosur. Raportohet se autorët e sulmit kanë qenë tre, dy kanë pasur rolin e ekzekutorit ndarsa tjetri ka qenë shoferi që kan pritur në makinë autorët. “Shënjestra” e sulmit ka qenë Gentian Bejtja, por ky i fundit dhe këtë herë i shpëtoi atentatit ndaj tij. Nga sulmi mbeti i vrarë kunati i tij, Ramazan Sino, 29 vjeç ndërsa u plagos i biri 18 vjeç.
Mësohet se atyre u është bërë prit sapo kanë hyrë në oboorrin e banesës. Autorët kanë hapur zjarr me bresheri duke lënë të vdekur në vend Sinon dhe plagosur djalin e Bejtjes, i cili ndodhet në spital nën kujdesin e mjekëve. Zbardhja e ngjarjes mbete e vështirë pasi zona nuk ka kamera sigurie pasi ato u hoqën nga Policia në kuadër të operacionit “Fijet”.
Ndërkohë makina e përdorur nga autorët tip “Volsvagen” është gjetur e djegur afër Tapizës. Brenda saj ishin dhe tre kallashnikovët e përdorur. Dhe ata ashtu si mjeti janë djegur plotësisht duke fshirë kështu çdo gjurmë që çon drejt tyre. Policia ka krehur zonën përreth por ende nuk ka asnjë provë që çon drejt atentatorëve apo organizatorët.
Kush është Gentian Bejtja dhe e shkuara e tij kriminale
Gentian Bejtja nuk është në emër i panjohur pë Policinë dhe drejtësinë si dhe ia ka dalë ti shpëtojë disa atentateve kundër tij. Bejtja u qëllua me armë zjarri së bashku me Klodian Stafukën mbrëmjen e 9 Janarit 2022. Ata u qëlluan teksa lëviznin me makinë pranë shkollës së fshatit Larushk në zonën e Fushë Krujës, ndërsa Bejtja mbeti i plagosur në krah.
Në shtator të vitit 2016, ndaj tij është organizuar një atentat me tritol. Bejtja po udhëtonte me makinën e tij tip “Tuareg”, me targë “AA 020 BH”, në fshatin Nikël të Krujës, kur nga poshtë mjetit shpërtheu eksplozivi që e dëmtoi rëndë në këmbë. Gjithashtu, Bejtja ishte personi që së bashku me Enver Stafukën vodhën makinën e përdorur në vrasjen e kryekomisar Dritan Lamajt në vitin 2013.
