TIRANË-Partia Demokratike dhe aleatët e koalicionit “Bashkë Fitojmë” do të çelin më datë 15 prill fushatën elektorale për zgjedhjet vendore të 14 majit. Përmes një video në Facebook kreu i PD-së Sali Berisha ka ftuar të gjithë demokratët dhe qytetarët që të bashkohen në hapjen e fushatës që do të bëhet në statiumin ‘Air Albania’. Kjo vendndodhje nuk është rastësore pasi po në të njëjtin vend më 11 dhjetor të një viti më parë Sali Berisha mbajti Kuvendin e Partisë Demokratike prej nga doli edhe grupi i “Rithemelimit”, i cili drejtoi partinë deri në zgjedhjen e Berishës si kryetar i partisë më 22 maj.
POSTIMI I BERISHËS:
Ejani të shtunën, 15 prill 2023, ora 12:00 në stadium.‘Rikthehemi në ‘Arenë’, aty ku nisi Rithemelimi! Më të fortë për mbrojtjen e pluralizmit e demokracisë! Më të hapur me kandidatët e dalë nga vota juaj! Më të bashkuar të gjithë ata që nuk janë marrë peng nga pushteti.
