BERAT– Një aksident është regjistruar mesditën e sotme në Berat. Raportohet se një makinë ka përplasur një motor në të cilin udhëtonte një 22-vjeçar. Ngjarja ka ndodhur në rrugën urbane “Antipatrea”. I riu ka marrë disa plagë për shkak të përplasjes dhe është dërguar në spital ku ndodhet nën kujdesin e bluzave të bardha jashtë rrezikut për jetën.
NJOFTIMI I POLICISË:
Në rrugën urbane “Antipatrea”, rreth orës 12:00, pranë vendit të quajtur “Dogana”, shtetasi Dh.L., 22 vjeç, duke drejtuar motomjetin është përplasur me mjetin tip “Audi”, me drejtues shtetasin F.L. Drejtuesi i motomjetit, shtetasi Dh.L, është dërguar në spital, për ndihmë mjekësore. Grupi hetimor po punon për zbardhjen e rrethanave të aksidentit.
