TIRANË– Kryetari i Partisë Demokratike Sali Berisha ka reaguar këtë të premte në lidhje me audiopërgjimin e gazetarit Adriatik Doçi. Gjatë konferencës së përjavashme me gazetarët Berisha denoncoi gazetarin duke e quajtur “Tiku i Rilindjes”. Sipas Berishës ai është i lidhur me familjen e kryeministrit Edi Rama. Kryedemokratik u shpreh se Doçi furnizohet me dokumente nga Rama ndaj nuk preket nga organet e drejtësisë.
Sali Berisha: Para këtij, publikoi përjetoi vdekjen klinike të ABC News. Një spastrim të paparë ndaj gazetarëve. Vetëm se ata nuk ishin në një valë me Devollin që herë thotë e kam, njëherë thotë nuk e kam. Devolli është vala e Ramës. Personi i fundit që ka mbetur aty është zoti Demi. Edhe ndaj tij po bëhen presione prej rrugaçësh që të ikë dhe të kontrollohet përfundimisht nga Endi Fuga, Sokol Balla dhe dora e Ramës dhe Veliajt. Tiku i Rilindjes është gazetar i familjes. Ai furnizohet me dokumente nga familja Rama, prandaj është i paprekshëm. Një gjobëvënës i shpërfytyruar, i shpifur. Por gazetari i familjes kryeministrore ka imunitet. Sikundër kanë imunitet për SKAP-in e partisë Duçka dhe Neza. Edhe njëherë i bëj thirrje FBI dhe Kongresit të SHBA, të hetojë rolin e Yuri Kim dhe paraardhësit të saj në aferën McGonigal se do ndihmonin shumë vendin e tyre, do ndihmonin Shqipërinë dhe shqiptarët. Ambasadorja Kim, me një seri të gjatë veprimesh, ka mbajtur të njëjtat qëndrime ndaj opozitës si McGonigal, por heshtja e saj ndaj këtij sistemi gjobëvënës nga bashkëkombas të saj, e rëndon atë. Nuk duhet të fshihet pas imunitetit diplomatik por të flasë për shqiptarët për këtë akt të pashembullt që nga koha e Perandorisë Osmane deri më sot
