FIER– Një aksident i rëndë është regjistruar në aksin rrugor Fier-Patos. Raportohet se një autobus që drejtohej nga një 58-vjeçar i identifikuar me inicialet A.T është përplasur me një makinë tip “Skoda” që drejtohej nga një 21-vjeçar i identifikuar me inicialet K.L, ky i fundit ka mbetur i plagosur. Pas marrjes së ndihmës mjekësore ai është kthyer në banesë. Ndërkohë më pas të dy drejtuesit e mjeteve janë shoqëruar në Polici dhe po merren në pyetje me qëllim zbardhjen e shkaqeve të aksidentit.
NJOFTIMI I POLICISË:
Në datë 22.05.2023, në aksin rrugor “Fier-Patos”, automjeti tip autobus me drejtues shtetasin A. T., 58 vjeç, banues në Fier, është përplasur me automjetin tip “Skoda” me drejtues shtetasin K. L., 21 vjeç, banues në Librazhd. Si pasojë e përplasjes, është dëmtuar lehtë pasagjerja në automjetin tip “Skoda”, shtetasja I. L., 20 vjeçe, banuese në Librazhd, e cila pas kontrollit mjekësor, u largua për në banesë. Drejtuesit e automjeteve janë shoqëruar në Komisariat për kryerjen veprimeve të mëtejshme procedurale. Grupi hetimor po punon për përcaktimin e shkakut të aksidentit.
