Kreu i SPAK Altin Dumani pati një bisedë me gazetarët ditën e sotme off-record. Dumani foli për shumë çështje lidhur edhe me dosjet e nxehta që po hetohen nga Prokuroria e Posaçme dhe që implikojnë emrat e ish kryeministrave Sali Berisha dhe Ilir Meta.
Në ‘Studio Live’, avokatët Dardan Mustafa, Alban Duraj dhe Idajet Beqiri komentuan për Arbër Hitajn deklaratat e Dumanit. Një nga temat më me rëndësi është dhe hetimi i 21 janarit, kompetencë tashmë që i përket SPAK pas vendimit të Gjykatës së Lartë. Mustafa hedh mendimin se është kaluar një afat kohor, prej të cilit veprat penale janë parashkruar.
‘Shumë nga veprat penale janë parashkruar. Jemi në një afat të tejkaluar, por është i mirëpritur. Duhen hetuar rrethanat. Disa persona janë dënuar. Për mua është diçka pozitive.’
Duraj thekson se SPAK po kryen punën me profesionalizëm pasi po vendos para përgjegjësisë politikanë të lartë.
‘Vendim i drejtë. Ka sjellë probleme për humbjen 4 jetëve dhe plagosjes së shumë të tjerëve. Shumë vite që këto familje dhe aktorët kryesor politikë, publik e cila përkthehet në dëme ekonomike, në sqarimin e gjithë asaj situate. Ka konflikte që përdoren nga politika. Qytetarët humbasin në çdo kohë. Kemi një hetim profesional nga SPAK dhe të vihen përpara përgjegjësisë ata që kanë kryer veprat. Edhe pse kanë kaluar afatet kur ka një provë të re, Gjykata e Lartë mendoj se ka qenë vendimmarrje.’
Mustafaj shton se për ngjarjen e 21 janarit ka kaluar kohë dhe dëshmitarët mund të kenë harruar.
‘Shumica e veprave nga ky hetim do të jenë të parashkruara dhe nuk mund të merret askush i pandehur. Ç’mund të bëhet tani? Dëshmitarët mund të kenë harruar. Pasi kalon një farë kohe memoria nuk është më aty. Le të hetohet por afatet, njerëzit kanë ndryshuar.’
Beqiri thotë se Dumani theksoi se hetimi do nisi për 21 janarin lidhur me dy personat e kallëzuar ish kryeministri Berisha ish ministri i Brendshëm Lulzim Basha.
‘U bë kallëzim penal në SPAK dhe ky kallëzim penal bëhesh me emra konkretë, subjekte SPAK , ish kryeministri dhe ministri i brendshëm, që këta janë urdhërdhënësit e vrasjeve të 4 personave, dëshmor të kombit dhe 10 të tjerë tentativë për vrasje. Me kodin e vjetër parashkruheshin 10 vjet. Me kodin penal tashmë s’ka afat, mund të ndiqesh përjetë për këto vepra penale. SPAK nuk është problemi se mori kallëzimin penal, por shtroi problemin se meqë po bën hetime Prokuroria e Tiranës atëherë le të vazhdojnë hetimet.
Nëse u dalin nga hetime persona që i ka në kompetencë. Kompetente për hetimin ishte SPAK. Më kot e përcolli tek Prokuroria. GJL konstatoi që jo vetëm është kompetente SPAK por është brenda afateve ligjore. Kemi një kallëzim penal për vepra të rënda. Bëhet fjalë për nenin 79, që parashikon dënimin me burgim të përjetshëm. Gjykata e Lartë ka bërë një arsyetim. Vendimi i Kolegjit Penal është tërësisht me përmbajtjen e rekursit. SPAK do fillojë veprimet hetimore, mbi bazën e këtij vendimi, ku brenda është edhe vendimi i Strasburgut.
Deklarata e sotme e Dumanit, tha që vendimi i GJL dhe Kolegjit Penal është i detyrueshëm për ne dhe do filloj hetimet për Sali Berishën dhe Lulzim Bashën dhe të tjerë që implikohen në këtë vepër penale dhe krim shtetëror.’
Më tej, Beqiri nënvizoi se kemi të bëjmë me një krim shtetëror, nga ana tjetër kemi Ilir Meta, zv kryeministër në 2011 që u kap duke vjedhur 700 mijë euro.
’21 janari është një krim i hetuar, i zbuluar një krim me [prova të pakontestueshme dhe duhej çuar në gjyq me këtë akuzë. Kemi të bëjmë me një krim shtetëror që ka në krye një urdhërdhënës dhe ka motivet, i pari ishte që të vriteshin dhe të përligjej vjedhja e votave. 21 janari dhe protesta kryesoren kishte sloganin Hapni Kutitë. Nëse ishte deformuar vullneti dhe keni tjetërsuar.
E dyta ishte një protestë masive pasi qeveria e asaj kohe, zv.kryeministri u zu me presh në dorë me korrupsion të lartë shtetëror. 700 mijë euro që po i grabiste dhe po e bënte këtë gjë para ministrit të Ekonomisë. Protestë me motive të qarta politike dhe motivi i shtetit ishte për ta vrarë këtë protestë dhe për t’ja lënë rrugën të hapur pandëshkueshmërisë.’
Duraj e sheh edhe si një lojë politike atë që ka ndodhur më 21 janar dhe më pas, pasi LSI dy vitë me pas u bashkua me PS dhe formuan mazhorancën.
‘Ishte një protestë e opozitës prej videoskandalit të ish zv kryeministrit. Qytetarët reaguan, por më pas si rrodhën ngjarjet ishte një betejë politike pasi ata që humbasin ishin qytetarët. 2 vjet më vonë ishte një marrëveshjes e 1 prillit. LSI me PS bënë koalicion. Dhe LSI mori më shumë fuqi se ç’kishte. Mendoj se prandaj ishte i rëndësishëm ky hetim për këtë lojë politike. Edhe qasja e asaj kohe, zoti Berisha lidhur me qasjen ndaj protestave ishte radikal në mënyrë që i ndërsente do jem në zyrë, do jem aty, nuk guxon njeri të hedhi gurë në zyrën time.’
Pavarësisht se çfarë ndodhi me aleancat politike, Beqiri sheh vetëm faktin e vrasjes shtetërore.
‘Është një krim i rëndë shtetëror. Politika ka punën e vet. Protesta mund të jenë edhe të dhunshme. Janë obligime të qeverisë që kur përdoret arma dhe kur jo dhe çfarë qëndrimi mbajnë ata që janë në qeverisje. Kryeministri ministri i brendshëm kjo nuk përligj faktin për çarë motivi u bë protesta. Ne nuk e shikojmë çështjen në këtë aspekt. Janë vrarë 4 persona që po protestonin si qytetarë të lirë, nuk po përdornin dhunë. U vranë në bulevard me shënjestër që do vriten. Me shënjestër të përqëndruar tek ta. Ata që dhanë urdhrin dhe me mburrje do vriste 300, që kisha vënë shënjestër kreun e opozitës ka ikur koha tek elementët të tillë primitivë.’
SPAK për Duraj është i vetmi institucion që sjellë shpresë në vend për profesionistët dhe qytetarët.
‘Është i vetmi institucion që po funksionon në këtë vend. Na ka sjellë shpresë si profesionist. Ka shpresë për ne dhe qytetarët. Ajo çka bën qeveria, është që punojnë kundër këtyre institucioneve duke mos alokuar fonde për të mos u ngritur kapacitete njerëzore dhe sa i përket infrastrukturës. Këtë po bën dhe mazhoranca. Të gjitha partitë politike po bien dakord të pengojnë punën e SPAK, që e ka nisur mbarë dhe është serioz. Nuk ka ndodhur kurrë të merren në pyetje politikanë të lartë. Duhet më shumë përgjegjësi nga mazhoranca që ata që shpërdorojnë fondet të vihen para drejtësisë. Politika nuk është biznes.’
Avokat Beqiri, zbulon se në SPAK janë dy zyra vetëm me dosjet korruptive të Metës dhe Berishës.
‘Kemi të bëjmë me një krim të organizuar dhe korrupsion të lartë shtetëror prej 30 vitesh dhe është kthyer në sistem. Ky vend është zhvatur në mënyrën më të paskrupullit. Që nga privatizimet e para që janë bërë. vetëm aferat e Metës dhe Berishës kanë zënën në SPAK dy zyra të mëdhaja me dosje. Nuk ka më vend aty. Me aferat e tyre. Nuk janë vetëm ata të dy. Kanë qenë edhe si organizatë kriminale ku kanë pleksur dhe ish ministra. Tani do marri brenda dosjet dhe BKH. SPAK në fakt edhe për numrin e prokurorëve që ka.’
