Drejtuesi politik i PD në Fier, Luan Baçi denoncoi se një punonjës i Bashkisë së Patosit, Bato Dalipaj është dhunuar se nuk ka pranuar që të plotësojë një formular për votues.
Bato Dalipaj është shprehur se persona të qeverisë i kishin kërkuar që në një formular të shkruante emrat e familjarëve, por që nuk ka pranuar. Sipas tij, pasi ka refuzuar Petrit Pëllumbi e ka gjuajtur dhe shtrirë në tokë. Baçi tha se Kryeministri duhet të heqë dorë nga shantazhet dhe presionet.
“Ishte një formular me votime, ku më kërkuan që të shkruaja emrat e familjes po që nuk pranova. Më thanë të shkruaja 10 emra që ishin të sigurt që do votonin pasi refuzova dhe nisa të largohesha Petrit Pëllumbi më gjuajti dhe më shtriu përtokë”, tha i dhunuari Dalipaj.
