TIRANË– Kreu i grupit parlamentar i Partisë Socialiste Taulant Balla ka folur jashtë Kuvendit pas seancës plenare, e cila u shoqërua me tensione dhe debate të forta. Gjatë fjalës së tij para gazetarëve Balla tha se mocionin me debat që do të mbahet më datë 2 mars do të zgjasë 24 orë. Sipas tij është lënë data 2 mars për arsye se kryeministri Edi Rama ka një axhendë të ngjeshur ndërkombëtare.
Taulant Balla; Kërkesa për zhvillimin e mocionit ka kërkuar vënien në dispozicon të një dite të plotë. I bie 24 orë. Kështu që në këtë këndvështrim do marrim kohën e nevojshme për t’u përgatitur. është marrë konfirmimi për shkak të axhendës së tij, se në datën 2 Mars, ia thashë dhe kolegëve, nuk kishim dakordësi por do ishte data më e mirë.
