TIRANË– Seanca e kësaj të enjteje e Kuvendit po zhvillohet me tensione dhe debate të forta mes mazhorancës dhe opozitës, ku kjo e fundit kërkon që në rend të ditës të futet situata në veri të Kosovës. Gjatë fjalës së tij kreu i grupit parlamentar socialist Taulant Balla ofendoi dy deputetët demokrat Edmond Spaho dhe Albana Vokshi të cilëve iu drejtua me fjalës se janë personifikimi i budallait.
Por kjo ka sjellë reagimin e deputetit demokrat Gazment Bardhi. Ky i fundit kërkoi nga kryeparlamentarja Lindita Nikolla që të marrë masa disiplinore ndaj Ballës. Gjatë fjalës së tij nuk muguan ironitë ndaj kryeministrit Edi Rama për të cilin tha se “është budalla me kartelë”.
Taulant Balla: Fati madh që jeni ti dhe Muli pas Saliut. Jeni personifikim më kuptimplotë i budallait.
Gazment Bardhi: Askush në këtë sallë nuk ka të drejtë të fyejë deputetë, ti quaj budallenj. Ne kemi kryeministrin me kartelë, që është kryebudalla, por nuk e kemi quajtur ndonjëherë budalla këtu. Nuk mund të shkelet etika në Parlament, duke fyer pa asnjë shkak kolegët në Parlament. Njëri prej atyre që ofendoi Balla ishte grua dhe ju si zonjë kemi më së shumti detyrimin që të mos pranoni të fyhen zonjat në këtë seancë
