TIRANË– Kryetari i Grupit Parlamentar i Partisë Socialiste Taulant Balla u shpreh se Partia Demokratike është shkaktare për vonesën e miratimit të ndryshimeve ligjore që ndalojnë ish-spiunët të jenë në politikë. Balla tha se do të ishte e papranueshme që në listët e kandidatëve të ishte edhe bashkëpunëtori I.M, duke iu referuar kreut të Partisë së Lirisë Ilir Meta.
Taulant Balla: 14 maji po afron dhe do të ishte e papranueshme që në listët e kandidatëve të ishte edhe bashkëpunëtori I.M apo me iniciale të tjera, apo në 2025-n anëtar i Kuvendit të Shqipërisë. Ne këtë gjë duhet ta pengojmë sa më shpejt. Janë ndërhyrje ligjore që kërkojnë 3/5. Dhe më bën përshtypje se këtë gjë e pengon Partia Demokratike. Ose nuk ka shfaqur gatishmërinë e duhur për të kontribuar për miratimin e këtij ligji.
