TIRANË– Debate mes opozitës dhe mazhorancës seancën e sotme. Kreu i Grupit Parlamentar i Partisë Socialiste gjatë fjalës së tij në Kuvend u shpreh se vendi ynë ka mbështetur njerëzit në nevojë si asnjë vend tjetër i rajonit. Sa i përket krizës energjetike Balla tha se çmimi real po paguhet nga shteti në mënyrë që të mos u rëndojë xhepi qytetarëve. Replikën e mori nga Dashnor Sula, i cili tha se punonjësit e bashkisë së Peqinit ka katër muaj pa marrë rrogat.
Taulant Balla: Nuk e pranoj dot që këto fjalimet populistet që në fshatrat e Shqipërisë nuk ka energji elektrike. Duhet të jemi korrekt me ato që komunikojmë me publikun dhe e vërteta e energjisë elektrike është që në fshatrat që përmende, deri në vitin 2013 nuk ishte zëvendësuar një tel transmetues, një shtyllë dhe nëse doni të bëjmë një llogari se sa është investuar në rrjetet e shpërndarjes së energjisë elektrike, bëjmë krahasime. Nuk ka një rajon një që krahason vendim ndër më të vështirët për këtë qeveri e të vijojë të subvencionojë 75-80% të energjisë elektrike për familjet. Meqë i hytë këtij diskutimi, më thuaj cili nga vendet e rajonit subvencionon në këtë mënyrë. 500 milionë dollar në 2021 dhe 2022 janë vënë në dispozicion të kësaj politike. Më gjej një shumë të ngjashme në rajon. Për ujin e pijshëm, e dimë si trajtoheshin UKT deri në 2013 dhe vazhdoi derisa u ndërmor reforma që më në fund po shkohet atje ku duhet, historia që kishte drejtora që zot na ruaj, vinte një kryetar bashkie i merrte, vinte tjetri i shfaroste. 4 vitet e fundit reforma e UKT është model. Po garantojmë investime. Rezultatet e kësaj reforme janë të thjeshta.
Dashnor Sula: Ja japin për pushimet e verës dhe për Vit të Ri. Ministria e Financave i shpërndau një rrogë, se ishin 5 muaj pas, ato të Ujësjellësit janë fryrë me njerëz që janë në Itali e Gjermani, s’janë këtu dhe marrin rroga. Po ju them sërish që ne jemi të 2 deputetë terreni. Po të them së fundmi që dil te Bashkia e Elbasanit çdo mëngjes, po nuk pe çdo ditë ushqime që ia çojnë vëllezërve e motrave. Daja ime pësoi dje infarkt, ka 6 fëmijë dhe duhet të shkoj unë atje.
