VLORË– Ministri i Brendshëm Taulant Balla ka zhvilluar këtë të premte një takim me strukturat drejtuese të Policisë së Vlorës. Balla shoqërohej nga kryepolici Muhamet Rrumbullaku dhe drejtues të tjerë të lartë në Policinë e Shtetit. Gjatë takimit Balla kërkoi nga strukturat e Policisë që të garantohet një bregdet i sigurtë për pushuesit nga mjetet lundruese. Po ashtu ai kërkoi angazhim të plotë në sigurimin e rendit.
Taulant Balla: Qytetarët janë jo vetem arsyeja pse ekziston Policia e Shtetit, po janë edhe partnerët tanë të pazëvendësueshëm në mbrojtjen e vendit dhe të çdo individi, nga çdo lloj paligjshmërie, që nga krimi i organizuar, tek krimi ordiner dhe deri tek krimi ndaj pronës publike dhe asaj private. Veshi i shurdhër dhe syri qorr, heshtja bashkëfajtore ndaj të fortëve të lagjes dhe mosreagimi i forcave të rendit ndaj denoncimeve të qytetarëve, jane rreshtim i policisë kundër tyre, kundër shtetit. Ndaj dua nga ju reagim të menjëhershëm.
