TIRANË– Rruga e re e Rinasit nga sot do të jetë e hapur të gjithë qytetarët. Lajmin e ka bërë të ditur ministrja e Energjetikës dhe Infrastrukturës njëherazi dhe numri dy i qeverisë, e cila inspektoi dhe punimet. Ballaku tha se me ndryshimin e koncesionarit, aeroporti i Rinasit ka pësuar ndryshime të mëdha positive, kjo nsipas saj është reflektuar në rritjen e numrit të pasagjerëve në vitet e fundit.
“Pas ndryshimit të koncesionarit aeroporti i Rinasit ka pësuar ndryshim të madh. Mbi 26 mijë fluturime gjatë 10 muajve të parë të 2022. 4.4 mln pasagjerë deri në 30 tetor të këtij viti. Deri në fund të vitit do të kemi 5.2 mln pasagjerë. Aeroporti i Rinasit një nga dy aeroportet në rritje gjatë viti 2022”, tha ministrja Balluku.
