TIRANË– Banorët e “5 Majit” kanë protestuar ditën e sotme para bashkisë së Tiranës. Ata kërkojnë dëmshpërblim për dëmet që u janë shkaktuar në banesat e tyre pas tërmetit të 26 nëntorit 2019. Duke folur para mediave një prej banorëve është shprehur se prej një viti ata vijojnë të jenë në rrugë, ndërsa askush nuk i ka marrë parasysh kërkesat e tyre. Sipas tyre dëmet që janë shkaktuar në banesa nuk kanë ardhur nga tërmeti, por se ato janë projektuar për tu shembur nga IMT-ja.
Banori 1: Erdhën si kope te banesat tona. Në takimin me z. Maznikun na premtoi banesa të reja, dhe ajo që bëjnë këta është fakti se vetëm gënjejnë. Ata na shkatërruan shtëpinë dhe del kryetari i Bashkisë dhe gënjen sa herë na referon. Kemi shkuar edhe te Ministria por nuk na pret askush.
Banori 2: Sot dhe një vit ne nuk kemi asnjë përgjigje. Po të shkosh atje, gjen gërmadha dhe plehra që nuk kanë qenë asnjëherë atje. Nuk e kuptoj se gjithë këta banorë duhej të dilnim jashtë me 1000 forca policie që në 5 të mëngjesit. Dhe të gjithë ne marrim 200 mijë lekë të vjetra për qiratë për ata që kanë pasur letrat në rregul, por nuk e kuptoj se pse dolëm kur atje nuk ka filluar ndërtimi.
