TIRANË– Banorët e Bërxullës, të cilët prej më shumë se shtatë muajsh denoncojnë ndërtimin e segmetit Thumanë-Kashar pasi kalon në tokat e tyre kanë dalë sërish në protestë këtë të martë duke bllokuar rrugën e Rinasit. Dhe pse kanë kaluar vetëm pak ditë takimi që ata patën në zyrën e Kadastrës me sa duket janë mosbesues ndaj veprimeve që do të ndërmarrë ky instituciuon. Në një prononcim për mediat kryeplaku i fshatit ka deklaruar se lejet e publikuara kanë hile brenda teksa denoncoi institucionet se po përdorin kohën e fushatës për ti gënjyer.
Banori: Të gjithë drejtoritë përkatëse, flenë gjumë prej 8 muajsh. Të nxjerrin vlerën e pronave dhe banesave sipas tregut, nuk dimë se çfarë do bëjmë. Ministrja e Bujqësisë nuk flet sesa toka po shkatërrohen, ajo bën sehir. Si merret prona kështu? T’i thirrin mendjes dhe të bëjnë vlerësimin e pronës, ne nuk mund të jetojmë në këtë formë. Punimet kanë arritur deri këtu vetëm duke bërë marrëveshje individuale, çdo njeri e ka me pronën, ne nuk e ndalojmë dot. Po të ishte shteti që zbatonte ligjin, do ishte mbaruar si punë. Publikimi i kësaj leje kuptohet se ka hile, shfrytëzojnë kohën e fushatës.
