KRUJË– Banorët e Borizanës janë shprehur të shqetësuar në lidhjen me ngjarjen e regjistruar dy ditë më parë ku anëtarët të fisit Rraja dhunuan barbarisht Bilbil e Jashar Majën, pas sherrit që këta të fundit kishin me Rrahjat për një gurore që sipas tyre po u dëmton shtëpitë. Për mediat banorët të cilët dolën këtë të shtunë në protetsë shprehen se gurorja po shkakton probleme të mëdha. Një prej banorëve tha se i është çarë shtëpia nga shpërthimet që shkaktohen në giurore.
Banori 1: Këtë rastë me rrahjen e vëllezërve Maja dua të falenderoj mediat se ne na keni ndihmuar jashtë mase. Duhet t’i bëj thirrje shtetit, shikoni gjërat me detaje, mos jepni leje për para, jepni leje me kritere. Hajde shikoni gjendjen si është gurorja. Mua më është mërzitur jeta këto 6 muaj dhe dua t’i bëj një pyetje Rrahman Rrajës, i cili është nga Nikla, pse o mik, pse o njeri i lligjit, o deputet i zonës na, për 2 litra naftë që të iki kamioni pak më lartë që të hapi guroren, po na i prish shtëpitë. Distanca është shumë e afërt, mund të jetë afërsisht 150 m nga banesat. Janë 150 shtëpi këtu në fshat, ka 6-7 muaj që po punon gurorja.
Njw banor tjetwr tha pwr mediat se kryetari i bashkisë u premtoi kompensim të dëmeve përpara zgjedhjeve, ndërkohë që tani pas zgjedhjeve nuk u hap as telefonin.
Banori 2: Janë çarë shtëpitë komplet, unë kam familjar invalid, edhe karrocën ma kanë fal se s’kam lekë. Kanë ardhur njerëzit kanë bërë inspektimet, por nuk kemi asnjë dëmshpërblim, prit gomar të mbijë barë. Kanë ardhur para votimeve dhe kryetari i bashkisë na tha se do t’i rregullojmë, pas zgjedhjeve nuk na hap as telefonin.
Ngjarja e rëndë ku u përfshinë djali i deputetit socialist Rrahman Rraja, Rexhep Rraja, xhaxhai i tij dhe familjarë të tjerë u regjistrua dy ditë më parë në një lokal në aksin Fushë Krujë-Thumanë. Më shumë se 10 anëtarë të fisit Rraja (tashmë disa në pranga e disa në kërkoim) dhunuan në mënyrë barbare dy kushërinjtë Bilbil dhe Jashar Maja. Këta të fundit u goditën me shkopinj gome e bejsbolli pa mëshirë nga Rrajat. Pamjet bënë xhiron e rrjetit dhe shkaktuan irritimin e qytetarëve. Shkak për sherrin është bërë një gurore në pronësi të Rrajave në Borizanë. Të plagosurit shprehen se ajo gurore u ka shkatërruar shtëpitë., Ndërsa gjatë ditës së sotme ata u shprehen se nëse shteti nuk bën drejtësia atëherë ata do të jenë të detyruar të bëjnë vetëgjyqësi.
