LIBRAZHD– Banorët e fshatit Spathar të Librazhdit kanë protestuar ditën e sotme përpara Bashkisë. Ata kërkojnë nga pushteti vendor asfaltimin e rrugëve dhe kanë paralajmëruar se nëse kërkesat e tyre nuk dëgjohen atëherë ata do të bllokojnë rrugën kryesore. Gjatë fjalës së tyre ata u shprehen se protesta e tyre është apolitike dhe ata kërkojnë vetëm që qeveria të mbajë përgjegjësi për veprimet e saj.
“Jemi të gjithë banorët e fshatit Spathar ndërsa mbrapa shpinës sonë është shteti shqiptar. E përgjigjen e shteti po e shohim. Ne nuk kemi frikë, s’jemi duke bërë politikes se nuk na intereson. Kjo është protestë apolitike. Shteti shqiptar duhet të mbajë përgjegjësi për veprimet që ka bërë. Çdo gjë ka mbetur si në kohën e Skëndërbeut.”, tha një banor.
“Do protestojmë ditë për ditë derisa të merren vendimet për rrugën tonë. Do e mbyllim dhe rrugën kryesore. Ne nuk kërkojmë shumë duam rrugë. Edhe thonë pse ikin emigrantët, sigurisht që do ikin hajde jeto në Spatharë.”, tha një tjetër banor.
Ata u shprehen se kërkesa e tyre për asfaltimin e rrugës është një kërkesë minimale pasi siç thanë banorët gjithçka në fshatin e tyre ka mbetur si në kohën e Skëndërbeut.
