FIER– Ka vijuar edhe ditën e sotme protesta e banorëve të 10 fshatrave të Levanit të Fier, të cilët prej më shumë se10 vitesh vuajnë nga ndërprerjet e vazhdueshme të energjisë elektrike.
Më problematike situata bëhet në stinën e dimrit ku si pasojë e motit të keq ndërprerjet zgjasin deri në 24 orë. Ata u mblodhën para Prefekturës në Fier me shpresën se zëri i tyre do të dëgjohet këtë herë pasi siç shprehen edhe vetë ata deri më tani zëri i tyre ka rënë në vesh të shurdhër dhe problemi i tyre vijoin të mos ketë zgjidhje.
Pas takimit me Prefektin e Qrkut ata nuk janë shprehur të kënaqur pasi sipas tyre nuk u dha një zgjidhje konkrete problemit të tyre.
“Ka 10 vite dhe askush nuk e ka vënë ujin në zjarr për këtë punë”, tha një banor.
