TIRANË– Deputeti i Partisë Demokratike Gazment Bardhi ka kërkuar që Kuvendi të krthehet në normalitet si dhe nuk i ka kursyer ironitë me kryeparlamentaren Lindita Nikolla të cilës iu drejtua duke i thënë se po del në pension dhe ende nuk ka lexuar rregulloren e Kuvendit. Bardhi me nota ironie kërkoi nga kryetarja e Kuvendit që të ndajë PD dhe PS me një gardh nëse është e mundur.
Gazment Bardhi: Pamja që deputetet të rrethohen me punonjës të gardës është shfaqja më e shëmtuar. Pse duhet të qëndrojnë të rrethuar deputetët e Kuvendit me punonjës të gardës së republikës. Mungesë totale e respektimit të rregullores nga ana juaj. Po del në pension dhe s’ke lexuar akoma rregulloren e parlamentit. Punonjësit e gradës hyjnë kur cenohet integriteti fizik i deputetëve. A mund të më thoni se çfarë është rrezikuar? S’ka asnjë rregull që unë të flas në Foltore. Ti zonjë duhet të kthesh normalitetin në seanca plenare. Na vendos e një gardh këtu e ndaj PD me PS-në.
